AQShda 2009 yildan beri birinchi marta xorijiy sayyohlar soni pasaydi

AQShga xorijiy mamlakatlardan keluvchi sayyohlar soni 2009 yildan beri birinchi marta pasaydi. Bu haqida AQSh savdo vazirligiga asoslanib, France Press xabar berdi. 

Ta'kidlanishicha, 2016 yilda Qo‘shma Shtatlarga 75,6 million sayyoh tashrif buyurgan, bu 2015 yilgi ko‘rsatkichlarga nisbatan 2 foizga kam. Mamlakatni ziyorat qilgan sayyohlar xarajatlari 1 foizga - 244,7 milliard dollarga tushib ketdi. 

Biroq, vazirlik xabariga ko‘ra, 2017 yilning dastlabki ma'lumotlari sayyohlar sonining yana oshib borayotganini ko‘rsatmoqda.