Venesueladagi turmada yuz bergan to‘qnashuvlar oqibatida ko‘plab mahbuslar halok bo‘ldi

Venesuela xavfsizlik xizmati Amasonas shtatidagi turmada maxsus operatsiya o‘tkazdi. Operatsiya vaqtida hukumat vakillari bilan to‘qnashuvlarda 37 mahbus halok bo‘ldi. 

Shtat poytaxti Puerto-Ayakucho shahridagi turmalardan birida o‘tkazilgan operatsiya 16 avgustga o‘tar kechasi amalga oshirilgan. Shahar kengashi a'zosi Xose Mexiasning aytishicha, hukumat “turma ustidan nazoratni tiklamoqchi bo‘lgan, biroq mahbuslar bunga qarshilik ko‘rsatishgan”.

“Xunrezlik bo‘lgan”, deb aytgan shtat gubernatori Liborio Garuya.

Ta'kidlanishicha, xavfsizlik kuchlari qo‘riqchilar yetishmaydigan turmalarda vaqti-vaqti bilan operatsiyalar o‘tkazib turadilar. Bunday reydlar davomida ba'zan mahbuslar bilan to‘qnashuvlar sodir bo‘lib turadi.