Hindistonda daydi itlarning ko‘karib ketishiga sabab bo‘lgan zavod yopildi

Hindistonning Mumbay shahri ma'muriyati ishlab chiqarish bilan shug‘ullanuvchi kompaniyani yopib qo‘ydi. Bu yer sanoat chiqindilari va rang beruvchi moddalarni mahalliy daryoga tashlashda ayblanmoqda. Ushbu holat oqibatida 11 ta mahalliy it ko‘karib ketgan, deb yozmoqda The Guardian.

G‘alati rangdagi itlar guruhi birinchi marotaba 11 avgust kuni payqalgandi. Jonivorlar himoyachilari Kasadi daryosiga tashlanayotgan chiqindilardan tashvishda, sababi ushbu daryoda ko‘plab hayvonlar suzib yuradi.

Navi Mumbai Animal Protection Cell hayvonlarni himoya qilish bo‘limi rahbari Arati Chauxanning ma'lum qilishicha, taxminan beshta shunday it payqalgan.

Chauxan ko‘karib ketgan itlarning suratini feysbukda birinchilardan bo‘lib e'lon qilgan.