Polsha Rossiyadan harbiy tovon undirmoqchi

1 sentabr kuni Polsha Seymi (parlamenti)da bo‘lib o‘tgan matbuot anjumanida «Huquq va adolat» partiyasi a'zolari Ikkinchi jahon urushi uchun Varshavaning Germaniyadan talab qilishi mumkin bo‘lgan tovon pullari haqida fikr bildirishdi. Mamlakat adliya vaziri o‘rinbosari Patrik Yakiy va deputat Yan Mosinskiylarga ko‘ra, reperatsiyalarni Rossiyadan ham talab qilish kerak. Bu haqda Polsha radiosi xabar bermoqda.

Mosinskiyning matbuot anjumanida xotirlashicha, 1921 yili RSFSR va Polsha Riga bitimini imzolagan. Unda Polshaga 30 mlnoltin rubl to‘lanishi qayd etilgan. Ammo, bu pullar umuman to‘lanmagan. Uning fikricha, Rossiya, «SSSR merosxo‘ri sifatida» Riga bitimi ijrosini o‘ylab ko‘rishi kerak. 

«Rossiyaliklar ham Polshaga yetkazilgan zarar uchun javobgar bo‘lishlari kerak», - degan Polsha adliya vaziri o‘rinbosari Patrik Yakiy.