Rim papasi Kolumbiyada jarohat oldi

Foto: repubblica.it

Rim papasi Frantsisk Kolumbiyaga safari vaqtida avtomobilining keskin to‘xtashi oqibatida jarohat oldi.

La Repubblica nashrining ma'lum qilishicha, voqea Kartaxena shahri markazida papa mashinasi uni qutlashga yig‘ilgan olomon o‘rtasidan o‘tayotganda yuz bergan.

Mashina olomonni kesib o‘tayotganda keskin tormoz olishi oqibatida pontifik yuzini urib olgan. Buning oqibatida uning chap qoshi yorilgan va chap ko‘zi ostida mo‘mataloq paydo bo‘lgan.

Ta'kidlanishicha, papaga tibbiy yordam ko‘rsatilgan.