Telegram o‘z servisining ishi tiklanganini ma'lum qildi

Telegram messenjeri dunyoning katta qismida ish faoliyatini tikladi, deyiladi kompaniyaning Twitter mikrobloglar servisida e'lon qilingan bayonotida.

«Biz, nihoyat, ishlab ketdik! Germaniya va MDH, bizni kechiring, aynan sizlarga ko‘proq tashvish keltirdik. Bizga jahonning boshqa qismi bilan aloqa tiklash uchun yana bir necha daqiqa ajrating», degan kompaniya o‘zining Twitter-akkauntida.

Chorshanba kuni tunda bir necha mamlakat, jumladan, O‘zbekistonda ham foydalanuvchilar Telegram messenjeri ishlamay qolgani yoki xabar jo‘natilayotganida osilib qolganidan shikoyat qilishgan edi.