Yevropada pushti rangli Samsung Galaxy S8 paydo bo‘ldi

Yevropa bozorlarida pushti rangli Samsung Galaxy S8 paydo bo‘ldi. Janubiy Koreyaning noyob rangdagi devaysini 600 dollarga xarid qilish mumkin bo‘ladi. 

Pushti rangli Samsung Galaxy S8 dastlab Tayvan bozorlarida, keyin esa Shimoliy Amerikada sotuvga chiqqandi, endi esa navbat - Yevropaga. 

Bugungi kunda bu flagmanni oldindan buyurtma beribgina qo‘lga kiritish mumkin bo‘ladi, lekin iste'molchilarning uni qachon qo‘lga olishi hozircha noma'lum.

Pushti rangdagi yangi mahsulotning texnik parametrlari boshqa rangdagi muqobillaridan farq qilmaydi. Samsung Galaxy S8 smartfonining o‘ziga xos jihati 5,8 dyuymli, 2600x1440 o‘lchamli Super AMOLED ekranlaridadir. 

Mobil qurilma Samsung Exynos 8895 yoki Qualcomm Snapdragon 835 chipida ishlaydi. Pushti rangli devays shuningdek suv va changdan himoyalovchi korpus bilan ta'minlangan.