Ekzit-pollar Merkel partiyasi g‘alabasini ko‘rsatmoqda

Saylovchilar o‘rtasida o‘tkazilgan so‘rovlar natijalari shuni ko‘rsatmoqdaki, Germaniya kansleri Angela Merkel yakshanba kungi saylovdan keyin o‘z o‘rnini saqlab qoladi. Uning «Xristian-demokratlar ittifoqi» partiyasini Sotsial-demokratik partiya tarafdorlaridan ikki barobar ko‘proq saylovchilar qo‘llab-quvvatlamoqda.

Infratest dimap o‘tkazgan so‘rov natijalariga ko‘ra, «Xristian-demokratlar ittifoqi» 37 foiz ovoz olgan, asosiy raqib bo‘lmish SDP esa 20 foiz.

Saylov yakunlariga ko‘ra, bundestag (Germaniya parlamenti) qaytadan shakllantiriladi, kansler saylanadi. Angela Merkel bu lavozimda uchinchi muddatni o‘tamoqda. 

Jamoatchilik fikrini o‘rganish bo‘yicha so‘rovlar ko‘rsatgandiki, mamlakatdagi har ikkinchi nemis Merkel GFR rahbarligida qolishiga qarshidir.