Sirdaryo shahrida 9ta do‘kon yonib ketdi

Sirdaryo viloyatining Sirdaryo shahridagi savdo do‘konlari qatorida 23 sentabr kuni yong‘in yuz berdi. Bu haqda O‘zbekiston IIV matbuot xizmati xabar berdi.

Shaharning O‘zbekiston ko‘chasida joylashgan savdo do‘konlarida yong‘in sodir bo‘lgan. Tan jarohati olganlar yo‘q.

Yong‘in oqibatida jami 9ta savdo do‘konining 280 kvadrat metr maydonda tomi, shift qismi va jihozlari yongan.

«Yong‘in holati yuzasidan tergovga qadar tekshiruv o‘tkazilib, yong‘in sababi aniqlanmoqda», — deyiladi vazirlik xabarida.