Turkiya bosh vaziri Iroqqa safar qiladi

Turkiya bosh vaziri Binali Yildirim 25 sentabrda Kurdistonda bo‘lib o‘tgan mustaqillik referendumi munosabati bilan Iroqqa borish istagini bildirdi. 

"Iroq bosh vaziri Haydar al Obodiydan shunday taklif keldi. Hozir biz hamkasblar bilan kun tartibi va ehtimoliy tashrif sanasini muhokama qilayapmiz. Bu kerakli tashrif, shu sababli jiddiy tayyorlanish kerak. Hozir mintaqada keskinlik, Shimoliy Iroqda noqonuniy referendum bo‘lib o‘tdi, uni muhokama qilish kerak", — degan Yildirim Anqarada jurnalistlarga. Bu haqda RIA Novosti xabar qilmoqda. 
 
Uning qo‘shimcha qilishicha, Anqara Shimoliy Iroq bilan aviaqatnovlarni to‘xtatgani barobarida sanksiyalar kiritishni ham rejalashtirmoqda.