10 oktabr kuni Sochi shahrida Mustaqil Davlatlar Hamdo‘stligi Tashqi ishlar vazirlari Kengashining navbatdagi yig‘ilishi bo‘lib o‘tdi. Bu haqda TIV matbuot xizmati xabar bermoqda.
Unda O‘zbekiston Respublikasi Tashqi ishlar vaziri Abdulaziz Komilov boshchiligidagi delegatsiya ishtirok etdi.
Tashqi siyosat idoralari rahbarlari tomonidan MDH Davlat rahbarlari kengashining navbatdagi majlisining kun tartibi va hujjatlar loyihalari, shuningdek, hamdo‘stlik doirasidagi hamkorlikning boshqa masalalari muhokama qilindi hamda xalqaro va mintaqaviy muammolar yuzasidan fikr almashildi.