Turkiya sharqiy chegaralariga og‘ir artilleriya kuchlarini yo‘lladi

Turkiya Qurolli kuchlari Iroq bilan chegara hududiga tanklar va artilleriya qismlarini jo‘natdi. Dunya nashrida yozilishicha, harbiy texnika mamlakat janubi-sharqidagi Shirnoq viloyatida joylashgan "Habur" postiga olib kelinadi.

G‘arbiy hududlardagi tanklar 12 oktabrga o‘tar kechasi kuchaytirilgan nazorat ostida ko‘chirilgan. Qayd etilishicha, tanklar Turkiyaning shu hududida 18 sentabr kuni boshlangan, 26 sentabr kuni Iroq harbiylari ham qo‘shilgan harbiy mashg‘ulotlarda ishtirok etishi mo‘ljallangan.

Bu manevrlar orqali Turkiya va Iroq hukumati mustaqillik uchun referendum o‘tkazgan kurdlarga bosim o‘tkazishni niyat qilgan.

Anadolu Ajansi xabariga ko‘ra esa harbiy kolonna Suriya bilan chegaraga keltirilgan. Armiya bo‘linmalari Suriyadagi harakatlarni qo‘llab-quvvatlaydi.