Prezident Ichki ishlar idoralari xodimlarining bir guruhini mukofotladi

23 oktabr kuni Shavkat Mirziyoyev «O‘zbekiston Respublikasi Ichki ishlar idoralari xodimlari kuni munosabati bilan bir guruh xodimlarni mukofotlash to‘g‘risida»gi farmonni imzoladi. Hujjat matni O‘zAda e'lon qilindi.

«Mamlakatimizda jamoat xavfsizligi, tinchlik va barqarorlikni ta'minlash borasidagi ko‘p yillik fidokorona mehnati, xizmat burchini bajarish va milliy manfaatlarimizni himoya qilishda mardlik va jasorat ko‘rsatgani hamda yosh avlodni ona Vatanga sadoqat ruhida tarbiyalashga qo‘shgan munosib hissasi uchun quyidagilar mukofotlansin», — deyiladi hujjatda.

Farmonga muvofiq, vazirlikning qator xodimlari II darajali «Shon-sharaf», «Do‘stlik». «Mardlik» ordenlari, «Jasorat», «Sodiq xizmatlari uchun», «Shuhrat» medali bilan mukofotlandi.