Ronaldu bo‘lg‘usi farzandi qanday nomlanishini ma'lum qildi

Portugaliyalik futbolchi Krishtianu Ronaldu va uning sevgilisi Jorjina Rodriges bo‘lg‘usi farzandlarini qanday nomlashlarini ma'lum qilishdi.

Juftlik keyingi oyda tug‘ilajak qiz farzandlarini Alana Martina deb atashmoqchi.

Alana ismini Ronaldu, Martinani esa uning sevgilisi tanlagan.

FIFA talqini bo‘yicha hozirda dunyoning eng yaxshi futbolchisi deb e'tirof etilayotgan  futbolchining surrogat onalardan 7 yoshli kichik Krishtianu hamda 4 oylik Yeva va Mateo ismli o‘g‘il-qiz egizak farzandi bor.