Turkiyada Respublika kuni nishonlanmoqda

29 oktabr kuni Turkiya Respublikasi tashkil topganining 94 yilligi nishonlamoqda.

Bir asr muqaddam Usmoniylar imperiyasida harbiy zobit bo‘lgan Mustafo Kamol Otaturk mamlakat xalqi zamonaviy demokratik qadriyatlarga mos ravishda yashashi uchun kurash boshlagandi. 1923 yilning 29 oktabrida Otaturk va uning yaqin hammaslaklari Turkiya Respublikasi tashkil etilganini e'lon qilgandi.

Bugun, yakshanba kuni mamlakatning amaldagi prezidenti Rajab Toyyib Erdo‘g‘an, Bosh vazir Binoli Yildirim va hukumat vakillari Otaturk nomidagi xotira maydonida gul qo‘yish marosimini o‘tkazib, rasmiy tadbirni ochib berdi.

Shundan so‘ng, Anqaradagi prezident saroyida tantanali bayram tadbiri o‘tkazilishi rejalashtirilgan.