Maltsev Rossiyada inqilob va'da qilgan kunda yuzlab kishilar qo‘lga olindi

Moskva, Sankt-Peterburg, Krasnodar, Krasnoyarsk, Perm va Rostov-na-Donda kamida 237 kishi politsiya tomonidan qo‘lga olindi. Bu haqda «OVD-Info» xabar tarqatdi.

Qo‘lga olinganlarning asosiy qismi — 212 nafari Moskvada.

Qo‘lga olinganlarning ko‘pchiligi yonidan taqiqlangan buyumlar topilgan (pichoqlar, kastetlar va boshqa jarohat yetkazuvchi qurollar). Ayni vaqtda Manej maydoni politsiyachilar tomonidan o‘rab olingan, «Oxotnyy Ryad» va «Ploshchad Revolyutsii» metro bekatlariga kirish cheklangan. 

2013 yildan buyon o‘z harakatini («Artpodgotovka») targ‘ib qilib kelayotgan muxolifatchi Vyacheslav Maltsev 2017 yilning 5 noyabrida inqilob va'da qilgandi. Shu kuni Moskvada yuzlab kishilar namoyishga chiqishdi. 

Maltsev Saratov viloyatidan bo‘lgan siyosatchi.

U o‘zining radikal qarashlari bilan internetda mashhur bo‘lgan. Boshqa bir muxolif siyosatchi Aleksey Navalnyy Maltsevni faol ravishda qo‘llab-quvvatlaydi. Ikki siyosatchining auditoriyasi deyarli bir xil, 7 oktabr kuni Moskvada o‘tkazilgan miting vaqtida namoyishchilar «5 noyabr revolyutsiyasi»ni ham muhokama etishgandi.

26 oktabr kuni Krasnoyarsk sudi «Artpodgotovka» harakati faoliyatini taqiqlab, bu guruhni ekstremistik tashkilot sifatida e'lon qilgandi.