«U ishonchni oqlamayapti». Amerikaliklarning uchdan ikkisi Trampdan norozi

Amerikaliklarning uchdan ikki qismi Donald Trampning 9 oydan ortiq faoliyatini yomon baholadi. The Hill nashri xabariga ko‘ra ABC News va Washington Post tomonidan o‘tkazilgan so‘rovlar shunday natija bermoqda.

Mamlakat fuqarolarining aksar qismi Oq uy rahbari o‘tgan vaqt ichida «deyarli hech ish qilmadi» yoki «juda kam ish qildi» degan fikrda. Amerikaliklarning 65 foizi Tramp ishonchni oqlamadi deb hisoblamoqda.

Trampga ishonchsizlik reytingi rekord darajaga, 59 foizga yetgan. Garri Trumen davridan buyon (u Xirosima va Nagasakini bombardimon qilish tashabbuskori bo‘lgandi) hech qaysi prezidentning reytingi bunchalik pastga tushmagandi.