Putin va Tramp Suriya bo‘yicha chaqiriq bilan chiqdi

Foto: Reuters

Rossiya prezidenti Vladimir Putin va AQSh yetakchisi Donald Tramp BMT davlatlarini Suriyaga yaqin oylar ichida yordam uchun ko‘proq hissa qo‘shishga chaqirdi, deb xabar bermoqda RIA «Novosti».

«Prezidentlar Suriyada insonlarning azob chekishlarini kamaytirish lozimligini muhokama qilishdi hamda BMTga a'zo bo‘lgan barcha davlatlarni yaqin bir necha oy ichida insonparvarlik ehtiyojlarini qanoatlantirish uchun o‘z hissalarini oshirishga chaqirishdi», - deyiladi qo‘shma bayonot matnida.

Avvalroq Rossiya prezidenti Vladimir Putin va AQSh rahbari Donald Tramp OTIH (Osiyo-Tinch okeani iqtisodiy hamkorligi) sammiti vaqtida yuzlashgani xabar berilgandi.

Tayyorlagan: Отабек Матназаров

#Donald Tramp #Suriya #Vladimir Putin