Moskvadagi o‘rtacha maosh miqdori ma'lum

Moskva shahrida 2017 yilning yanvar-avgust oylarida o‘rtacha oylik ish haqi o‘tgan yilning shu davriga nisbatan 8,5 foizga o‘sdi. Bundan Moskva shahar statistika boshqarmasi ma'lumotlari darak bermoqda. 

Hujjatda ta'kidlanishicha, o‘rtacha oylik ish haqi 91,8 ming rublga teng bo‘lgan.

Shu bilan birga, statistikada barcha mulkchilik shakllaridagi korxonalar, muassasalar hamda tashkilotlarning xodimlari ish haqi hisobga olingan. Ular kichik tadbirkorlik sub'yektlariga aloqador emas.

O‘z navbatida, nominal o‘rtacha oylik daromad aholi jon boshiga hisoblanganda bu davrda 2,8 foizga oshdi hamda 56,7 ming rublni tashkil qildi.