Video: Zimbabvening yangi prezidenti oq tanli fermerlarga va'da berdi

Zimbabvening yangi prezidenti Emmerson Mnangagva lavozimga kirishganidan keyingi ilk murojaatida mamlakatda nolinchi yillar boshida avvalgi prezident Robert Mugabe tomonidan o‘tkazilgan yer islohoti tufayli mulklarini yo‘qotgan oq tanli fermerlarning zararlarini qoplab berishga va'da berdi.

«Mening hukumatim o‘sha vaqtda o‘z yerlari tortib olingan fermerlarning yo‘qotishlarini qoplashga mas'uldir», — degan Mnangagva.

Mr Mnangagwa pledges to compensate farmers whose land was confiscated under Mugabe's controversial land redistribution programme pic.twitter.com/MGoOwnZwaA
— Sky News (@SkyNews) November 24, 2017

2000 yilda Zimbabve hukumati «tezkor agrar islohot» boshlagan, keyingi 3 yil ichida 4300ta ferma 127 mingdan ziyod qora tanli dehqonlar qo‘liga o‘tgandi. Oq tanlilar mamlakatdan ommaviy ravishda qochishni boshlaydi, yerlarning yangi xo‘jayinlarida — sobiq partizanlarda esa fermerlik qilish bo‘yicha zarur bilim va ko‘nikma yo‘qligi tufayli, agrar soha inqirozga uchraydi.

Mnangagva bugundan Zimbabve prezidentiga aylandi.

Tayyorlagan Азиз Қаршиев

#Zimbabve #Emmerson Mnangagva

14 noyabr kuni Zimbabveda harbiylar mamlakat poytaxtiga kirdi. 15 noyabr kuni mamlakatga 37 yildan buyon rahbarlik qilib kelgan Robert Mugabe va oilasi qo‘lga olindi.