Видео: Зимбабвенинг янги президенти оқ танли фермерларга ваъда берди

Зимбабвенинг янги президенти Эммерсон Мнангагва лавозимга киришганидан кейинги илк мурожаатида мамлакатда нолинчи йиллар бошида аввалги президент Роберт Мугабе томонидан ўтказилган ер ислоҳоти туфайли мулкларини йўқотган оқ танли фермерларнинг зарарларини қоплаб беришга ваъда берди.

«Менинг ҳукуматим ўша вақтда ўз ерлари тортиб олинган фермерларнинг йўқотишларини қоплашга масъулдир», — деган Мнангагва.

Mr Mnangagwa pledges to compensate farmers whose land was confiscated under Mugabe's controversial land redistribution programme pic.twitter.com/MGoOwnZwaA
— Sky News (@SkyNews) November 24, 2017

2000 йилда Зимбабве ҳукумати «тезкор аграр ислоҳот» бошлаган, кейинги 3 йил ичида 4300та ферма 127 мингдан зиёд қора танли деҳқонлар қўлига ўтганди. Оқ танлилар мамлакатдан оммавий равишда қочишни бошлайди, ерларнинг янги хўжайинларида — собиқ партизанларда эса фермерлик қилиш бўйича зарур билим ва кўникма йўқлиги туфайли, аграр соҳа инқирозга учрайди.

Мнангагва бугундан Зимбабве президентига айланди.

Тайёрлаган Азиз Қаршиев

#Зимбабве #Эммерсон Мнангагва

14 ноябрь куни Зимбабведа ҳарбийлар мамлакат пойтахтига кирди. 15 ноябрь куни мамлакатга 37 йилдан буён раҳбарлик қилиб келган Роберт Мугабе ва оиласи қўлга олинди.