Zimbabve yangi prezidenti Emmerson Mnangagvaning ma'lum qilishicha, mamlakatda yangi davlat rahbari saylovlari kelasi yili bo‘lib o‘tadi.
"Tinchlik va totuvlik 2018 yilgi demokratik saylovlarga qadar hamda undan keyin ham bizning bir-birimizga bo‘lgan munosabatimizni ko‘rsatib berishi kerak. Sizlarga bugun shuni va'da qilamanki, saylovlar rejalashtirilgan muddatda bo‘lib o‘tadi", - deya ma'lum qildi Mnangagva.
Uning chiqishi Bi-bi-si telekanali tomonidan translyatsiya qilindi.
Ma'lumot uchun, Zimbabvening sobiq vitse-prezidenti Emmerson Mnangagva mamlakatni 2018 yil avgustida saylovlar o‘tkazilguncha boshqaradi.