Зимбабведа президентлик сайловлари қачон ўтказилиши айтилди

Фото: AP

Зимбабве янги президенти Эммерсон Мнангагванинг маълум қилишича, мамлакатда янги давлат раҳбари сайловлари келаси йили бўлиб ўтади.

"Тинчлик ва тотувлик 2018 йилги демократик сайловларга қадар ҳамда ундан кейин ҳам бизнинг бир-биримизга бўлган муносабатимизни кўрсатиб бериши керак. Сизларга бугун шуни ваъда қиламанки, сайловлар режалаштирилган муддатда бўлиб ўтади", - дея маълум қилди Мнангагва.

Унинг чиқиши Би-би-си телеканали томонидан трансляция қилинди.

Маълумот учун, Зимбабвенинг собиқ вице-президенти Эммерсон Мнангагва мамлакатни 2018 йил августида сайловлар ўтказилгунча бошқаради.

Тайёрлаган Отабек Матназаров

#Зимбабве #Эммерсон Мнангагва

14 ноябрь куни Зимбабведа ҳарбийлар мамлакат пойтахтига кирди. 15 ноябрь куни мамлакатга 37 йилдан буён раҳбарлик қилиб келган Роберт Мугабе ва оиласи қўлга олинди.