«Kerak emas». Tramp «Yil odami» bo‘lishdan bosh tortdi

AQSh prezidenti Donald Trampning ma'lum qilishicha, Time jurnali talqini bo‘yicha yana «Yil odami» bo‘lishdan bosh tortgan. Bu haqda u tvitterdagi sahifasida yozdi.

«Time jurnalidan qo‘ng‘iroq qilishib, meni, aftidan, xuddi o‘tgan yildagi kabi yana «Yil odami» deb e'lon qilishlari mumkinligini aytishdi. Biroq bunday holatda men intervyu berishim va katta fotos'yomkaga rozi bo‘lishim kerak bo‘lardi. Men bunga rozi emasligimni aytdim va rad javobini berdim. Nima bo‘lgan taqdirda ham rahmat», - deya yozdi Tramp.

Avvalroq Time jurnali AQSh prezidentining qizi Ivanka Tramp va uning eri Jared Kushnerni 2017 yilda jahonning eng nufuzli shaxslari ro‘yxatiga kiritgandi. Ro‘yxatga Hollivud yulduzlari Emma Stoun va Rayan Reynolds ham kirdi.