O‘zbekistonlik 4 bokschi bugun xalqaro musobaqa yarim finalida qatnashadi

Rossiyaning Beloyarskiy shahrida boks bo‘yicha “Neft mamlakatlari kubogi” bahslari davom etmoqda. 

Bugun, 25 noyabr kuni yarim final janglari bo‘lib o‘tadi. O‘zbekiston vakillari Hasanboy Do‘smatov (52 kg), Iqboljon Holdorov (64 kg), Isroil Madrimov (75 kg) va Sanjar Tursunov (91 kg) ham final jangi uchun kurashga kirishadi.

52 kg.da ishtirok etayotgan Hasanboy Do‘smatov ozarbayjonlik Goshkar Safarlidan ustun kelgan bo‘lsa, Iqboljon Xoldorov (64 kg) avtomatik tarzda yarim final yo‘llanmasiga ega chiqdi. Isroil Madrimov esa rossiyalik Vladimir Mirochnikovni 5:0 hisobida mag‘lubiyatga uchratdi. Sanjar Tursunov (91 kg) latviyalik Vladislav Levsha ustidan zafar quchdi.

Eslatib o‘tamiz, “Neft mamlakatlari kubogi” bahslarida final janglari ertaga, 26 noyabr kuni o‘tkaziladi.