Amerikaliklar bir kunlik onlayn-xaridlar bo‘yicha rekord qo‘ydi

AQShning onlayn do‘konlari noyabr oyining so‘nggi juma kuni o‘tkaziladigan savdolar va Shukronalik kuni munosabati bilan 7,9 mlrd. dollarlik savdolarni amalga oshirdi. Bu haqda Reuters agentligi Adobe Analytics tahlillariga tayangan holda xabar qilmoqda.

Ta'kidlanishicha, o‘tgan yil bilan qiyoslanganda savdolar hajmi 17,9 foizga o‘tgan. 

Ekspertlarning fikricha, juma kungi savdolarning onlayn ko‘rinishi hisoblanuvchi «kiberdushanba» kuni amerikaliklar onlayn-savdolarga 6,6 mlrd. dollarga yaqin mablag‘ sarflashi mumkin.