Puchdemon Kataloniyada referendumning ikkinchi turi o‘tkazilishini ma'lum qildi

Foto: Reuters

Kataloniyaning sobiq rahbari Karles Puchdemon 21 dekabr kuni parlamentda muxtoriyat mustaqilligi bo‘yicha referendumning ikkinchi turi o‘tkazilishi haqida ma'lum qildi. Bu haqda El Pais xabar tarqatdi.

«Biz davlatimizni, davrni o‘zgartirishimiz kerak. Bu davlat hamon XX yoki XIX asrda yashamoqda, uni XXI asrga moslashimiz kerak», — degan Puchdemon o‘z murojaatida.

Bunda avvalroq Puchdemon Belgiyadagi boshpanasidan turib saylovoldi kampaniyasi boshlagani haqida xabar berilgandi.

1 oktabr kuni o‘tkazilgan Kataloniya mustaqilligi bo‘yicha referendumdan keyin Puchdemon Belgiyaga qochib ketishga majbur bo‘ldi. Ispan sudi Puchdemonni hibsga olishga order bergan, u Yevropada qidiruvga berilgan, ammo Belgiya hukumati ushbu siyosatchi va 4 hamrohini ozodlikda qoldirishga qaror qildi. Ayni vaqtda Puchdemon Bryuggeda vaqtincha qarorgohda yashamoqda.

Tayyorlagan Азиз Қаршиев

#referendum #Kataloniya #Karles Puchdemon

Ispaniyaning shimoliy-sharqiy hududida, Kataloniya avtonomiyasida, istiqomat qiluvchi aholi 1 oktabr katalonlarning mustaqillik masalasini hal etish uchun ko‘chaga chiqdi. Rasmiy Madrid ushbu harakatni yo‘qqa chiqarish maqsadida mahalliy politsiya kuchidan foydalanmoqda.