Istanbulda Tramp familiyasi bo‘lgan barcha ko‘rsatkichlar olib tashlandi

AQSh prezidenti Donald Tramp Al-Qudsni Isroil poytaxti deb tan olgandan keyin Istanbulda uning familiyasi bo‘lgan barcha ko‘rsatkichlar va tablichkalar olib tashlandi. Bu haqda Anadolu axborot agentligi xabar bermoqda. 

Tramp 6 dekabrda Al-Qudsning Isroil poytaxti deb tan olinishini e'lon qilib, AQShning Tel-Avivdagi elchixonasining u yerga ko‘chirilishi haqidagi hujjatni imzoladi. Trampning bu qarori Isroil tomondan ijobiy, biroq ko‘plab, ayniqsa, Yaqin Sharq davlatlari va Falastin tomondan salbiy qabul qilingan. 

Ta'kidlanishicha, kechki vaqt Istanbulning Shishli tumanida 2012 yilda Turkiya prezidenti Rajab Toyyib Erdo‘g‘an ishtirokida ochilgan Trump Towers Mall savdo markazi nomidagi Tramp nomi olib tashlangan. Shuningdek, savdo markaziga olib boruvchi yer osti o‘tish joyidagi ko‘rsatkichda ham Trampning familiyasi endi mavjud emas.