Qirg‘izistonda «Hizb ut-Tahrir» a'zolari ushlandi

Qirg‘izistonda huquqni muhofaza qilish idoralari xodimlari «Hizb ut-Tahrir» tashkilotining yetti nafar a'zosini qo‘lga olishdi, deb xabar bermoqda RIA «Novosti» Qirg‘iziston IIV matbuot xizmatiga tayangan holda.

«Jalolobod viloyatida yashovchi bir necha fuqaroning uyida tintuvlar o‘tkazildi, uning davomida ekstremistik kayfiyatdagi ko‘plab adabiyotlar topildi, bundan tashqari, portlatish qurilmalari va portlovchi moddalar noqonuniy ravishda saqlab kelingani aniqlandi», - deyiladi xabarda.

Eslatib o‘tamiz, avvalroq Rossiyaning Sankt-Peterburg shahrida «Hizb ut-Tahrir»ning ayollar bo‘linmasi yetakchisi qo‘lga olingani haqida xabarlar tarqalgandi.