Putin va Asadning uchrashuvida noqulay vaziyat yuzaga keldi (video)

G‘arb va arab ommaviy axborot vositalari Rossiya va Suriya prezidentlari Vladimir Putin hamda Bashar Asadning Suriyadagi uchrashuvida yuzaga kelgan noqulay vaziyatni keng muhokama qilishmoqda. Gap shundaki, Putinning Hmaymim aviabazasiga tashrifi vaqtida rossiyalik harbiylar Asadga Putinning ortidan minbarga borishiga ijozat berishmadi.

Ushbu holat tasvirlangan videoda Asad Putin ortidan minbar tomon ketayotgani, biroq rossiyalik harbiylardan biri Asadning qo‘lidan ushlab, uni to‘xtatib qolgani aks etgan. Suriya prezidenti ham to‘xtab, unga hammasi tushunarli ekanini bildirgan.