Saudiya Arabistonida hibsga olingan falastinlik milliarder qo‘yib yuborildi
Saudiya Arabistonida 12 dekabrda aksilkorruptsion tergov doirasida so‘roq qilinish uchun hibsga olingan falastinlik milliarder Sabih al-Masriy ozod etildi. U Ar-Riyoddagi uyiga qaytgan. Bu haqda milliarderning oilasiga yaqin manbalarga iqtibos keltirgan holda Reuters axborot agentligi xabar berdi. U yaqin orada mamlakatni tark etish imkoniyatiga ega bo‘lishi kutilmoqda.
Tadbirkor o‘ziga hech qanday ayblov bildirilmagan holda qo‘yib yuborildi.
Al-Masriy Yaqin Sharqdagi eng yirik banklardan biri Arab Bank raisi va Zara Investment Holding asoschisi hisoblanadi. Bank Iordaniya poytaxti Ammanda joylashgan. Masriy, shuningdek, Falastinning eng boy odami, sanoatchi Munib al-Masriyning jiyani hisoblanadi. Milliarder falastinlik bo‘lsa-da, Saudiya Arabistoni fuqaroligiga ega.
Noyabr oxirida Saudiya Arabistonida korrupsiyaga qarshi kampaniya boshlangan edi. Korrupsiyada gumon bilan hammasi bo‘lib 159 kishi, jumladan, qirollik oilasi a'zolari hibsga olingan.
Mavzuga oid
15:56 / 08.10.2024
Tug‘uruqxonalardagi o‘limni qanday kamaytirish mumkin? – Saudiyada ishlayotgan o‘zbek shifokori bilan suhbat
14:30 / 01.10.2024
O‘zbekiston bosh vaziri o‘rinbosari Saudiya investitsiyalar vaziri bilan muzokara o‘tkazdi
19:43 / 29.09.2024
Saudiya Arabistonida 2024 yilda qancha inson qatl etilgani ma’lum bo‘ldi
12:40 / 27.09.2024