Shavkat Mirziyoyev Donald Trampga ta'ziya bildirdi

O‘zbekiston Respublikasi Prezidenti Shavkat Mirziyoyev Amerika Qo‘shma Shtatlarining Vashington shtatida yuz bergan temir yo‘l halokati oqibatida ko‘plab insonlar qurbon bo‘lgani munosabati bilan AQSh Prezidenti Donald Trampga ta'ziya izhor etdi.

Prezident matbuot xizmati bergan xabarga ko‘ra, Shavkat Mirziyoyev qurbon bo‘lganlarning oila a'zolari va yaqinlariga hamdardlik bildirib, jabrlanganlarga sihat-salomatlik tiladi.

18 dekabr kuni mahalliy vaqt bilan 7:30da Sietldan 80 km janubdagi Dyupont shahri yaqinida yo‘lovchi poyezdi ko‘prikdan qulab tushdi. Hodisa oqibatida kamida 6 kishi halok bo‘lib, yuzga yaqin kishi jarohatlandi.