Yollanma ishchi “Neksiya”ni olib qochdi

Parkent tumanida, joriy yilning 3 noyabr kuni 1961 yilda tug‘ilgan Zokir Yusupovning (keltirilgan ism-familiyalar o‘zgartirilgan) uyida yollanma ishchi bo‘lib ishlab keluvchi, Namangan viloyatida yashovchi, muqaddam sudlangan, 1991 yilda tug‘ilgan Dilmurod Boqiyev, Zokir Yusupovning uyi darvozaxonasida turgan o‘ziga tegishli «Neksiya» rusumli avtoulovini eshigi ochiqligidan va kaliti o‘t olgichda turganligidan foydalanib olib qochib ketgan. Bu haqda Toshkent viloyati IIB xabar berdi.

Olib borilgan surishtiruv tekshiruv ishlari davomida gumon qilinuvchi Dilmurod Boqiyev boshqaruvida bo‘lgan «Neksiya» rusumli avtoulov Ohangaron tumani hududida joylashgan «Chinor» YPX maskanida ushlandi. 

Tergovni IIB olib bormoqda.