Parkent bozori yonidagi yo‘lda ta’mirlash ishlari tugallanmoqda

Ijtimoiy tarmoqlarda keng muhokama qilinayotgan Parkent bozori atrofidagi yo‘l ta’mirlash ishlari yakunlanish arafasiga keldi. Hozirda mutaxassislar yo‘l to‘shamasini yangilashning yakuniy bosqichlarini amalga oshirmoqda.

Foto: vediodan kadr

Hududdagi rekonstruksiya ishlari jadal sur’atlarda olib borilyapti. Loyiha doirasida xavfsizlik orolchasi yanada qulay va ishonchli holatga keltirildi, piyodalar yo‘laklarining qoplamasi yangilandi hamda yangi bruschatkalar yotqizilmoqda.

Qayd etilishicha, ushbu ishlar hududning o‘tkazuvchanlik qobiliyatini oshirish, transport harakatini tartibga solish va piyodalar uchun yanada qulay sharoit yaratishga qaratilgan.

Shu tariqa, Parkent bozori atrofida amalga oshirilayotgan yangilanishlar hududda xavfsizlik va qulaylikni kuchaytirishga xizmat qilishi kutilmoqda.