Senat majlisida 26 masala ko‘rib chiqiladi

20 dekabr kuni O‘zbekiston Respublikasi Senatining XIII yalpi majlisi kun tartibiga 26ta masala qo‘yilgan bo‘lib, jumladan, O‘zbekiston Respublikasining 2018 yilgi Davlat byudjyeti, yangilangan Mudofaa doktrinasi kabi hujjatlar tasdiqlanishi kutilmoqda. Bu haqda Kun.uz muxbiri xabar beradi.

Ma'lum qilinishicha, Senat a'zolari "Soliq va byudjyet siyosatining 2018 yilga mo‘ljallangan asosiy yo‘nalishlari qabul qilingani munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida"gi O‘zbekiston Respublikasi qonunini ko‘rib chiqishi belgilangan. 

Shuningdek, O‘zbekiston Respublikasi Oliy sudi tarkibiga o‘zgartirishlar kiritish to‘g‘risidagi, O‘zbekistonning Yaponiya va Gruziyadagi elchilarini lavozimiga tayinlash to‘g‘risidagi masalalar ko‘rib chiqiladi. 

Kun.uz muxbiri xabariga ko‘ra, O‘zbekistonning Gruziyadagi elchisi lavozimiga ayni paytda O‘zbekistonning Ozarboyjondagi elchisi Sherzod Fayziyev o‘rindoshlik asosida tayinlanishi kutilmoqda.