Alisher Usmonov Rossiyadagi universitetga 100 mln rubl ajratdi

Alisher Usmonovning xayriya jamg‘armasi Rossiyadagi "MISiS" Milliy tadqiqot texnologiyalar universiteti endaument-jamg‘armasini 100 mln rublga to‘ldiradi. Bu haqda oliy ta'lim muassasasi matbuot xizmati xabar bergan.

"Rossiyalik tadbirkor va fan hamda san'atga homiylik qiluvchi Alisher Usmonovning “San'at, ilm-fan va sport” xayriya jamg‘armasi "MISiS" Milliy tadqiqot texnologiyalar universiteti manzilli kapitali (endaument-fond) jamg‘armasiga 100 mln rubl miqdorida mablag‘ yo‘naltirmoqda", - deya ta'kidlab o‘tishgan matbuot xizmatidan. Natijada jamg‘arma kapitalining umumiy miqdori 230 mln rublga qadar oshadi, bu unga kapital hajmi bo‘yicha Rossiya OTMlari endaumentlari top-10ligiga kirish imkonini, "San'at, ilm-fan va sport" jamg‘armasiga esa – mahalliy endaumentlar tarixida eng yirik xayriyachiga aylanish imkonini berdi, deya qo‘shimcha qilib o‘tishgan OTMdan.

"Ta'lim va ilmiy tadqiqotlar sifati – mamlakatning buyuk kelajagi kafolati, - deya ma'lum qildi Alisher Usmonov. – Shuning uchun ilmiy-ta'lim loyihalari, ayniqsa menga tog‘-metallurgiya kabi juda yaqin bo‘lgan soha katta ahamiyatga ega. Men mamlakatning eng yaxshi texnik OTMlaridan biri bo‘lgan "MISiS"ni rivojlantirish bo‘yicha katta rejalarni qo‘llab-quvvatlashga tayyorman, hamda universitet endaumentiga yo‘naltirilgan mablag‘larni Rossiya ilm-fani va ta'limining global raqobatbardoshligini oshirishga kiritilgan sarmoyalar sifatida ko‘raman".