Turkiyaga Yevropa Ittifoqida o‘rin yo‘q – Avstriya kansleri
Avstriya kansleri Sebastyan Kurts Turkiya oxirgi yillar olib borayotgan siyosati tufayli Yevropa Ittifoqi a'zosi bo‘la olmasligini aytdi.
“Bu davlatda biz inson huquqlari, asosiy huquq va erkinliklarning jiddiy buzilishlariga duch kelmoqdamiz. Yevropa Ittifoqi buni ko‘rib, o‘zini hech narsa bo‘lmayotgandek tutishini qabul qila olmayman. Fikrimcha, Turkiyaga oxirgi yillar olib borayotgan siyosati tufayli Yevropa Ittifoqida o‘rin yo‘q. Uning ittifoqqa kirishi bo‘yicha muzokaralar tugatilsa adolatli bo‘lardi”, deb aytgan Kurts Bild am Sonntag nashriga bergan intervyusida.
Kurtsning aytishicha, Turkiya Avstriya, Germaniya va boshqa davlatlardagi turklarning integratsiyasi yuz bermasligi uchun bu davlatlardagi turk jamoatiga kuchli ta'sir qilishga urinmoqda.
Avvalroq Turkiya tashqi ishlar vazirligi Avstriyaning yangi hukumati dasturiga norozilik bildirgandi. Dasturda Vena Turkiyaning YeIga kirishi bo‘yicha muzokaralar to‘xtatilishini qo‘llab-quvvatlashi aytilgan.
Bryussel va Anqara o‘rtasidagi munosabatlar Turkiyada davlat to‘ntaruviga urinishdan keyin yomonlashgan. Yevropa Ittifoqi to‘ntaruv bilan bog‘liq ommaviy hibsga olishlar, Anqara ko‘rgan boshqa choralarni tanqid qilib, Turkiyaning Yevropa Ittifoqiga kirishi bo‘yicha muzokaralarning yangi bosqichiga o‘tishni to‘xtatgan.
Ayniqsa Turkiyaning Yevropa Ittifoqiga kirishiga qarshilik qilayotgan Avstriya va Germaniya bilan munosabatlar keskinlashib ketgan.
Mavzuga oid
23:20 / 13.10.2024
Serbiya bosh vaziri o‘rinbosari BRIKS mamlakat uchun YeIning muqobiliga aylanishini aytdi
10:30 / 10.10.2024
Shiorini hayqirgan Orban va Bella Ciao'ni kuylagan so‘llar: YePda Vengriya bosh vaziri bilan keskin munozara yuz berdi
20:47 / 08.10.2024
Xitoy YIning elektromobillar borasidagi qaroriga javoban Yevropa alkogol mahsulotlariga yangi boj joriy etdi
21:03 / 04.10.2024