Tramp Amazon'dan ko‘proq pul undirishga chaqirdi

AQSh prezidenti Donald Tramp juma kuni Amerika davlat pochta xizmati Amazon kompaniyasidan haddan tashqari kam to‘lov undirayotganini ta'kidladi. 

"Nima uchun AQSh pochta xizmati har yili milliardlab dollar kamomad ko‘radi va shu bilan birga, Amazon va boshqalardan jo‘natmalarni yetkazib berish uchun kam pul oladi, bu Amazon'ni boyitadi, pochta xizmatini esa qashshoqlashtiradi, axir?!, - deb yozadi Tramp o‘zining  Twitter'dagi sahifasida. - Ancha ko‘proq pul undirish kerak!"

Bloomberg agentligining har kuni yangilanadigan jahon milliarderlari Top-500 ro‘yxatiga muvofiq, Amazon kompaniyasi rahbari Jyeff Bezos - moliyaviy holati 100 milliard dollarga baholangan AQSh va umuman dunyoning eng badavlat kishisi. 

1994 yilda asos solingan Amazon - internet orqali tovar va xizmatlarni sotuvchi jahonning eng yirik kompaniyasi. Uning 2004 yilda 7 milliard dollarga teng bo‘lgan tovar aylanmasi 2016 yilga kelib, 136 milliard dollarga yaqinni tashkil qildi. Ta'kidlash joizki, Bezos Trampni ko‘p tanqid qiluvchi The Washington Post gazetasiga egalik qiladi.

AQSh pochta xizmati - davlat muassasasi, biroq u to‘g‘ridan-to‘g‘ri prezidentga bo‘ysunmaydi.