Malayziya izsiz g‘oyib bo‘lgan samolyotni yana qidira boshlaydi 

Malayziya hukumati 2014 yilda izsiz g‘oyib bo‘lgan Boeing MH370 samolyotini Amerikaning Ocean Infinity kompaniyasi bilan birgalikda qidirish bo‘yicha ishlarni tiklash haqida qaror qabul qildi. Bu haqda Channel News Asia layner yo‘lovchilarining qarindoshlari tomonidan olingan maktub matniga tayangan holda xabar bermoqda.

Maktubda, xususan, «Malayziya hukumati MH370’ni qidirish bo‘yicha amaliyotni davom ettirish ishlariga Ocean Infinity’ni jalb qilgani» xabar qilinadi.

Avvalroq izsiz g‘oyib bo‘lgan samolyot yo‘lovchilarining qarindoshlari laynerni mustaqil ravishda qidirish bilan shug‘ullanishga qaror qilishgani xabar berilgandi.

Eslatib o‘tamiz, Kuala-Lumpurdan Pekinga yo‘l olgan samolyot 2014 yilning 8 martiga o‘tar kechasi radarlardan yo‘qolib qoldi. Bortda 227 yo‘lovchi va ekipajning 12 a'zosi bo‘lgan. Sharqiy Afrikadan esa Malaysia Airlines layneriga tegishli ekani taxmin qilinayotgan bo‘laklar topildi.