Vladivostokda o‘zbekistonlik ishchilar o‘lik holda topildi

Rossiyaning Vladivostok shahridagi kafelardan birining omborxonasida ikki erkakning jasadi topildi. Bu haqda mahalliy OAV xabar bermoqda. 

Qayd etilishicha, kafe Lazurnaya sohilbo‘yida joylashgan. Halok bo‘lganlarning yoshi 40 va 54da ekani aytilmoqda. Politsiya ularning shaxsini aniqlagan. Har ikkisi ham O‘zbekiston fuqarosi bo‘lib, Vladivostokka pul ishlab topish maqsadida kelishgan.

Ayni damda tergovga qadar surishtiruv olib borilmoqda, erkaklarning o‘limiga nima sabab bo‘lgani aniqlashtirilmoqda. Asosiy taxmin – ishchilar is gazidan zaharlanib hayotdan ko‘z yumishgan.