Xitoy megapolislari aholisi 40 yil ichida birinchi marta kamaydi

Xitoyning Shanhay va Pekin shahridagi aholi soni 1978 yildan beri birinchi marta qisqardi. Bu haqda mahalliy OAV xabar bermoqda.

XXR Milliy statistika byurosi ma'lumotlariga ko‘ra, 2017 yilda Pekin aholisi soni 22 mingga (0,1%) qisqarib, 21,7 mln kishini tashkil etdi. Shanhay aholisi esa 13,7 mingga kamaydi va 24,18 mln kishiga teng bo‘ldi.

OAV ma'lumotiga ko‘ra, aholi sonining qisqarishi qishloq tumanlardan migratsiya sekinlashishi, mehnatga layoqatli yoshdagi odamlar miqdorining kamayishi, shuningdek, megapolislar migrantlar uchun jozibadorlikni yo‘qotib borayotgani bilan bog‘liq.