Dunyo davlatlarining innovatsiyalar indeksi e'lon qilindi
Bloomberg nashri dunyo davlatlarining an'anaviy innovatsiyalar indeksini chop etdi. Reytingda ilmiy-tadqiqot faoliyati rivojlanishi, oliy ta'lim samaradorligi, patentlar miqdori, mamlakatda ishlab chiqariluvchi innovatsion mahsulotlar hisobga olinadi.
Reytingning birinchi pog‘onasini 5 yildan beri Janubiy Koreya egallab kelmoqda. Ushbu davlat patent faolligi ko‘rsatkichi bo‘yicha yetakchilik qilmoqda. Bloomberg ma'lumotlariga ko‘ra, 2000-yillarda Janubiy Koreyaning Samsung kompaniyasi AQShda IBM’dan tashqari, boshqa istalgan kompaniyadan ko‘proq patent olgan.
2-o‘rinda o‘tgan yildagidek Shvetsiya joylashdi, 3-o‘rinni Singapur egalladi. Singapur Germaniya, Shveytsariya va Finlyandiyani birinchi navbatda oliy ta'limning yuqori samaradorligi va ommabopligi hisobiga ortda qoldirgan.
AQSh 11-o‘ringa tushib ketib, 6 yil ichida ilk bor yuqori o‘ntalikni tark etdi. Bunga mamlakatda oliy ta'lim samaradorligi pasaygani sabab bo‘lgan. Xitoy 2 o‘ringa yuqorilab, 19-o‘rinni egallagan. Rossiya esa bir o‘ringa – 26-o‘rindan 25-o‘ringa ko‘tarildi.
Mavzuga oid
22:41 / 13.10.2024
Kim Chen Inning singlisi Janubiy Koreyani «dahshatli halokat»dan ogohlantirdi
20:32 / 09.10.2024
KXDR Janubiy Koreyaga olib boruvchi barcha avtomobil va temiryo‘llarni yopadi
21:47 / 06.10.2024
Shimoliy Koreya «yangi davr» boshlanganini e’lon qildi
22:29 / 03.10.2024