«Matiz»dagi gaz balloni portlashi natijasida ikki kishi vafot etdi

2018 yil 02 fevral kuni soat taxminan 22:30da Buxoro viloyati, Kogon tumanida joylashgan “ZELIC OIL GAZ” MChJga tegishli avtomobillarga gaz quyish shoxobchasi oldida “Matiz” rusumli avtomashinaning gaz balloni portlashi natijasida avtomashinada bo‘lgan 2 nafar fuqaro og‘ir tan jarohati olib vafot etgan.

Bu haqda O‘zbekiston Respublikasi Ichki ishlar vazirligi huzuridagi Tergov departamenti xabar bermoqda.

Mazkur holat yuzasidan O‘zbekiston Respublikasi Jinoyat kodeksining 259-moddasi 2-qismi “a” bandi bilan (Yong‘in xavfsizligi qoidalarining shu qoidalar bajaralishi uchun mas'ul bo‘lgan shaxs tomonidan buzilishi odam o‘lishiga sabab bo‘lsa) jinoyat ishi qo‘zg‘atildi. Hozirda jinoyat ishi bo‘yicha dastlabki tergov harakatlari olib borilmoqda.