Amerikaliklar Trampdan ko‘ra FQBga ko‘proq ishonishlari ma'lum bo‘ldi

AQSh prezidenti Donald Tramp va Federal qidiruvlar byurosi fikrlari farqlansa, AQShning aksariyat aholisi unda Trampdan ko‘ra ko‘proq FQBga ishonadilar. Bundan Marist Poll kompaniyasi o‘tkazgan so‘rovnoma ma'lumotlari darak bermoqda.

Kompaniya saytida e'lon qilingan ma'lumotlarga ko‘ra, so‘ralganlarning 66 foizi FQBga, 24 foizi esa Trampga ishonishga tayyorliklarini aytganlar. Bundan tashqari, respondentlarning 71 foizi FQB Trampni hokimiyatdan chetlatishga urinmayotgani va shunchaki “o‘z ishini qilayotganini”, 23 foizi esa byuro prezidentga nisbatan noxolis ekanligini aytishgan.

So‘rovnoma 5-7 ferval kunlari o‘tkazilgan va unda 807 kishi ishtirok etgan.

Avvalroq AQSh kongressining razvedka qo‘mitasi “Rossiyaning AQShdagi saylovlarga aralashuvi” tergovi jarayonida FQB va adliya vazirligi qoidabuzarliklarga yo‘l qo‘ygani haqidagi dokladni e'lon qilgan. Hujjatda FQBning tergovda ishtirok etgan xodimlari Trampga noxolislik qilib, saylovlarda yutqazgan Hillari Klintonni qo‘llab-quvvatlashgani ko‘rsatilgan.