Tramp yangi «narkoshoh»ni tayinlash niyatida

AQSh prezidenti Donald Tramp Oq uy maslahatchisi Jim Kerrollni davlat rahbarining giyohvand moddalar bilan kurash bo‘yicha maslahatchisi sifatida tayinlashni mo‘ljallamoqda. Bu haqda Reuters xabar tarqatdi.

Bu lavozim xalqda «narkoshoh» so‘zi bilan mashhur ekani aytilmoqda.

Kerrollning tayinlanishi senat tomonidan tasdiqlanishi kerak. U ayni damda Oq uy ma'muriyati rahbarining o‘rinbosari sifatida ishlamoqda.

Eslatib o‘tamiz, avvalroq AQSh hukumati ishini to‘xtatishga majbur ekani xabar qilingandi.