Britaniya Suriyada aviazarbalar berishni boshlashi mumkin 

Britaniya AQSh bilan birgalikda Suriyada aviazarbalar berishni boshlash imkoniyatini jiddiy tarzda ko‘rib chiqmoqda. Bu mamlakatda tinch aholi vakillariga qarshi kimyoviy qurol qo‘llangani tasdiqlansa, yuz beradi, deb ma'lum qildi Buyuk Britaniya TIV rahbari Boris Jonson. Bu haqda Reuters xabar bergan.

Aniqlik kiritilishicha, gap hukumat kuchlariga qarata aviazarbalar berish haqida ketmoqda.

«Agarda biz shu ro‘y berganini aniqlaydigan bo‘lsak, buni isbotlay olsak, hamda Britaniyaga harakatlanish uchun chaqiriq kelsa, unda o‘ylashimcha, biz buni jiddiy ko‘rib chiqamiz», - deya aytib o‘tdi Jonson.