Shavkat Mirziyoyev Armen Sarkisyanni tabrikladi

Foto: Prezident matbuot xizmati

O‘zbekiston Respublikasi prezidenti Shavkat Mirziyoyev 2 mart kuni Armen Sarkisyanni Armaniston prezidenti lavozimiga saylangani bilan tabrikladi. Bu haqda davlat rahbari matbuot xizmati xabar bermoqda.

Shavkat Mirziyoyev o‘z qutlovida o‘zaro hurmat va anglashuv tamoyillariga asoslangan O‘zbekiston-Armaniston munosabatlari bundan buyon ham xalqlarimiz manfaatlari yo‘lida izchil mustahkamlanib borishiga ishonch bildirgan.

Eslatib o‘tamiz, avvalroq Armanistonda yangi prezident saylangani xabar berilgandi.