Pens AQSh Eron yadroviy kelishuvidan chiqishi bilan tahdid qildi

Foto: Reuters

AQSh vitse-prezidenti Mayk Pensning ma'lum qilishicha, agarda Eron yadroviy kelishuvi qayta ko‘rib chiqilmasa, AQSh undan darhol chiqadi. Bu haqda Times of Israel gazetasi xabar bermoqda.

«AQSh hech qachon Eronga yadro quroliga ega bo‘lishga yo‘l qo‘yib bermaydi. Agarda yaqin oylar ichida Eron yadroviy kelishuvi qayta ko‘rib chiqilmasa, AQSh undan darhol chiqadi», - deya aytib o‘tdi Pens.

Uning so‘zlariga ko‘ra, AQSh prezidenti Donald Tramp hozircha Tehronga qarshi takroriy sanksiyalarni joriy etmadi, bu mamlakatga yadroviy kelishuvdagi qarama-qarshilikka yechim topish imkoniyatini taqdim etish maqsadida qilindi.