Qozog‘istonda 300 dan ortiq samolyotga parvoz qilish bo‘yicha taqiq qo‘yildi

Qozog‘iston Investitsiyalar va rivojlanish bo‘yicha vazirligining Fuqarolik aviatsiyasi qo‘mitasi 300 dan ortiq havo kemalariga parvozlarni amalga oshirish bo‘yicha taqiq qo‘ydi. Bunga ularning ruxsat hujjatlari amal qilish muddati yakunlangani sabab bo‘ldi. Tegishli buyruqni idora raisi Talgat Lastayev imzoladi.

Parvozlar va aeronavigatsiya boshqarmasi, havo harakatini tashkil etish organlariga ushbu samolyotlar tomonidan parvozlar amalga oshirilishiga yo‘l qo‘ymaslik bo‘yicha nazoratni ta'minlash vazifasi yuklandi.

Qayd etilishicha, buyruq doimiy kuchga ega.