Shvartsenegger Terminator va Tramp haqidagi hazilni aytib berdi

Aktyor, AQShning Kaliforniya shtati sobiq gubernatori Arnold Shvartsenegger o‘zining Terminator qahramoni va Qo‘shma Shtatlar prezidenti Donald Tramp haqidagi hazilni aytib berdi. Bu haqda Deadline xabar qilmoqda.

Shvartsenegger South By Southwest festivali mehmoniga aylangan, u yerda undan Terminator olamidagi yangi film haqida so‘rashgan (suratga olish ishlari shu yozda bo‘lib o‘tishi lozim).

Artistning hazil qilishicha, ular Trampni ssenariyga kiritishga majbur bo‘lishgan. Shvartseneggerning so‘zlariga ko‘ra, T800 roboti 2019 yilda qaytib kelib, davlat rahbarini qamoqdan chiqarib olishga harakat qiladi.